Эрүүл хооллолт, зохистой хооллолт гэж яг ийм хооллолтыг хэлнэ гэсэн ойлголт, яг ийм хоолны дэглэмийг хэлнэ гэсэн зүйл байхгүй. Учир нь хүн бүрт өөр өөр хүнсний бүтээгдэхүүн, хоол хүнс таарч тохирно.

Бие махбодын онцлог шинж, уламжлалт ёс заншил, газар нутаг, цаг агаар, цусны бүлэг, насны бүлэг, эрүүл мэндийн байдал зэргээс хамаарч хүмүүсийн тэжээлийн бодисуудын хэрэгцээ өөр өөр байдаг. Тухайн хүн өөрийн биеийн онцлог, газар нутгийн уур амьсгалд тохируулан олон төрлийн хүнсний бүтээгдэхүүнүүдийг зохицуулан хэрэглэх нь тухайн хүний хувьд зохистой хооллолт юм.
Түүнээс биш дан мах, амьтны гаралтай хоол хүнс хэрэглэх, эсвэл дан жимс, ногоо идэх нь зохистой хооллолт биш юм.

Тийм болохоор хэн нэгэн танд зохистой хооллолт гэж ийм юмыг хэлнэ гэх биш, та өөрөө миний хувьд ийм хооллолт тохирох юм байна гэдгийг өөрөө мэдэж авч, хэрэгжүүлэх нь эрүүл хооллолт юм. Мэдээж үүний тулд олон талын мэдлэг, мэдээлэл авч, өөрийгөө тогтмол боловсруулах хэрэгтэй. Өөрийнхөө төлөө залхууралгүй, үргэлж шамдан суралцах хэрэгтэй.

Гэхдээ хэд хэдэн зарчимыг өөрийнхөө бодлоор бичлээ. Та бүхэн бас нэмэрлээрэй.

• Өдөр тутмын хоол хүнс аль болох олон төрлийн хүнсний бүтээгдэхүүнүүдийг агуулсан байх хэрэгтэй. Амьтны болон ургамлын гаралтай аль аль хүнсийг тохируулан хэрэглэх хэрэгтэй. Ингэснээр хүний биеийн хэвийн үйл ажиллагааг хангах шим тэжээлийн бодисуудыг авах болно. Олон төрлийн хүнсний бүтээгдэхүүн тогтмол хэрэглэснээр хүнсний харшил үүсэхээс сэргийлэх боломжтой.

• Насныхаа онцлогт тохируулан хоол хүнснийхээ байдлыг өөрчилж байх хэрэгтэй. Жишээ нь өсвөр насны хүүхдүүдэд кальцийн хэрэгцээ их, жирэмслэхээр бэлтгэж байгаа жирэмсний эхний саруудад фолийн хүчил агуулсан хүнсний бүтээгдэхүүнүүд хэрэглэх, мөн жирэмслэлтийн туршид төмөр ихтэй хүнсийг ихээр хэрэглэх гэх мэтээр өөрийн амьдралын тодорхой мөчлөгүүдэд тохирсон хооллолттой байх нь эрүүл мэндийг бэхжүүлэх нэг арга юм.

• Өөрийн биеийн онцлогт тохируулан хооллох. Жишээ нь би хий махбодтой (Хятадын уламжлалт анагаах ухааны онолоор инь) учраас үргэлж сэрүүн чанарын хоол идэхэд тохирохгүй учраас халуун чанарын хүнс хэрэглэх шаардлагатай байдаг.

• Цаг агаар, жилийн 4 улиралтай тохируулан хоол хүнсээ сонгох. Жишээ нь Монголчууд хатуу ширүүн уур амьсгалтай өвлийн улиралд мах, өөх, тос гэх мэт халуун чанарын хоол хүнс хэрэглэж, зуны дэлгэр цагт цагаан идээгээ иддэг байсан гэж хүн бүр мэддэг. Үүнийг амьдрал дээрээ бага ч болов хэрэгжүүлэхийг зөвлөж байна.

• Аль болох шинэ, хүнсний бүтээгдэхүүн хэрэглэж, лаазалж, нөөшилж, хадгалалтыг ямар нэг байдлаар удаашруулсан бүтээгдэхүүнүүдийг бага хэрэглэхийг хичээх хэрэгтэй. Өөрөөр хэлбэл хүнсний бүтээгдэхүүнүүдийг аль болох байгальд орших хэлбэрээр нь хэрэглэхийг хичээгээрэй. Жимс, хүнсний ногооны хувьд цаг агаарын байдлаас шалтгаалан бид бүхэн шинээр нь хэрэглээд байх боломжгүй. Тийм болохоор өөрсдийнхөө боломжоор шинэ ногоог хөлдөөн хэрэглэж бас болох юм. Хөлдөөх нь шим тэжээлийг алдагдуулалгүйгээр удаан хугацаагаар хадгалах хамгийн тохиромжтой арга юм. Тэрнээс биш олон мянган км туулж, хэдэн сарын турш тээвэрлэгдэн ирсэн жимс, ногоо шим тэжээлийн бодисоор тийм ч баялаг байж чадахгүй. Үүний зэрэгцээ хадгалалтыг удаашруулахын тулд олон төрлийн химийн бодисуудыг хүнсний бүтээгдэхүүнд хийдэг болсонтой холбоотойгоор олон төрлийн өвчлөл бий болсоор байна.

Уламжлалт анагаах ухааны аргаар л цөс бүрэн угаагддаг


Уламжлалт анагаах ухаан нь 2500 жилийн түүхтэй өөрийн гэсэн онолтой дотроо олон өвчнийг багтаасан онол нь батлагдаад хүний амьдрал хэрэгжээд ирсэн анагаах ухааны салбар юм. Европын анагаах ухаанаар эмчлэгдэж чадаагүй архаг өвчнийг уламжлалт анагаах ухаанаар эмчилэнэ гэсэн ташаа ойлголт хүмүүсийн дунд байдаг бол энэ удаа цөс угаах эмчилгээний талаар Уламжлалт анагаах ухааны “Сумади” эмнэлгийн их эмч магистр Р.Цолмон уулзаж тодруулсан юм. -Цөсний өвчлөлтөөр бүх насныхан өвчилдөг үү? -Буруу хооллолтоосоо болоод бага насны хүүхэд хүртэл цөсний өтгөрөл буюу чулуугаар өвчилдөг нь элбэг байдаг. Цөсний өтгөрөл нь явсаар байгаад чулуу, нугаларалттай цөсөө угаалгах ёстой гэж үздэг. Өвчин үүсээд бага залуудаа цөсөө авахуулдаг нь ихэссэн харагддаг юм.

миний блогт тавтай морил

Хоолойн өвчнийг анагаах

Хоолойн өвчнийг анагаах ардын уламжлалт аргаас

1. Хоолой халуунаас болж өвдсөн бол царвангаар зайлж эмчилнэ
2. Хоолой багалзуурын дуу хаагдаж /сөөнгөтөж/ юм залгихлд төвөгтэй болж халуурч хавдахад болжморын баасыг заарь дэвтээсэн усаар зуурч багалзуурыг гадна талаас нь хөхүүлэх
3. Хурган чих хужир хоёрыг хольж нухаад хавдсан хоолойд түрхдэг
4. Хоолой хавдаж бачуурахад тогооны хүйсний хөө буцалгаж усаар даруулж уух буюу бүлээн хөөгөө давстай хольж гаднаас нь түрхэх
5. Хоолой хагарвал ёл шувууны баасыг усанд чанаж шөлийг нь уух
6. Хоолой хагарахад тэнгэр өөд харж шүлсээ хэдэнтээ залгихад нэмж хагарахгүй
7. Хоолой нитгэрч цус шүүрэхэд шар тос хайлж залгих
8. Хоолой сөөхөд болжморын мах идэж, шөлийг нь уух сайн
9. Хоолойны ангиныг амьд мэлхий рүү амьсгалж эмчлэх
10. Хоолой улайж хөөхөд хөх яргуйн цэцэг буцалгаж шөлөөр нь зайллах
11. Хүүхэн хэл улайхад нунтаг цагаан давс цацах
12. Хоолой сөөхөд аяга усанд хагас аяга гоньдны үр хийж, 15 минут буцалгаж шүүгээд дээр нь аяганы дөрөвний нэг хиртэй бал нэмж буцалмагц нь 1 халбага коньяк архи хийгээд хагас цаг тутам нэг халбага уувал хоолойн сөөнгө хурдан намдана
13. Хоолойн ангинд нимбэгний 2-3 зүйлийн хальсыг цэвэрлэж амандаа хийгээд шүлсийг нь цаг тутам сороход зүгээр
14. Хоолой брож бачуурвал хонины сүүлний арьсыг бүлээтгэж орооход зүгээр
15. Хоолой өвдөж бачууран боочих гээд байвал чонын хэлээр ороодог
16. 3уны эхэн сард ургасан цахилдагны хөх цэцгийг түүж 1-2 удаа идэхэд хоолойн мах, бамбайн өвчин арилна. Их идэж болохгүй.
17. Хоолой хагарах, өвдөх анхны шинж мэдрэгдмэгц хөлөө хүйтэн усанд дүрвэл зүгээр.
18. Намираа зөөлөн бороо, намрын шүүдэр буух үеэр болон ногооноор хонины халуун шавхайг туучих, хөл нүцгэн явахад ангинаар хоолой өвдөхгүй
19. Хоолойн томорсон махыг өглөө, жамц давсны шорвог усаар зайлаад байвал мах алга болно
20. Хоолой өвдвөл 1 аяга усанд цайны халбага давс, тал цайны халбага сод хийгээд дээрээс нв 6-8 дусал йод хийж хутгаад өдөрт 3 удаа зайлахад зүгээр болно.

Ангиныг морин улааганаар

      Морин улааганы бөөн мөчир цуглуулж аваад жимсийг нь үлдээж навчтай нь цуг жижиглэн хэрчиж 2 литрийн шилэн саванд хийгээд дээр нь 0,5 л архи, 0,5 кг зөгийн бал нэмж хийнэ. Зөгийн бал сайтар уусмагц 40-50г цагаан гаа нэмж хийгээд бүгдийг нь хольж хутгана. Жаахан байлгаж хандлах хэрэгтэй. Дараа нь улааганыхаа жимсийг сайтар нухаж дээр нь хийгээд 7 хоног, түүнээс дээш дулаан газар байлгана. Ингээд хоногт 3 удаа хоолны халбагаар хоол идэхээс хагас цагийн өмнө ууна. Хэзээ ч дахиж ангинтахгүй гэнэ.

Лааны тосоор эмчлэх

        Гайморитоор өвдсөн бол лааг зорж лаазанд хийгээд халуун устай саван дотор лааны тос хайл мащ орон дээрээ хэвтээд өмнөө толь барьж дух, хамар, хацар дээрээ зузаан гэгч тавиад түүнийгээ авч лаазанд хийгээд унтана. Энэ аргыг 10 хоног шөнө болгон тавихад өвчин арилдаг гэнэ.

Эх сурвалж: 

Уламжлалт анагаах ухаанд ус ямар ач тустай вэ?
Усанд орох үед ус нь хүний биед даралт үзүүлж, хэвлий цээжийг дарж, өрцийг дээшлүүлснээр амьсгалыг түргэсгэдэг. Мөн цусны эргэлт сайжруулдгаараа ач холбогдолтой. Уламжлалт анагаах ухаанд өвчнийг хүйтэн, халуун гэж хоёр ангилдаг. Манай орны цаг уур хуурай, сэрүүн учир хүйтэн өвчин илүү зонхилдог. Хүйтэн өвчнийг анагаахын тулд төөнүүр, халуун жин, халуун рашаан зэргийг өргөн ашигласаар ирсэн. Харин усны сэрүүн чанар хүйтэн өвчинд тохирохгүй тул халааж хэрэглэдэг. Ус хамгийн сайн уусгагч учраас цэцэг, ургамал болон төрөл бүрийн эрдэс бодисыг усанд хандлан эмчилгээнд хэрэглэдэг.
эх сурвалж: 

👯

Ардын бор эмчилгээ
Уушгаа эмчлэхүй
       Уушигны аливаа өвчинд цагаан гүүний түүхий сүүнд чацаргана, нэрс жимсийг хийж исгээд 15 хоног уухад эдгэнэ. Тэрчлэн уушгины элдэв өвчин халуунд алтан гагнуур, удвал цэцэг, чацаргана, цагаан занд улиас модны холтос, гандигар мод, үзэм зэргийг хэм найруул ан эм тан адил чанаж өдөрт 2-3 удаа уувал тустай. Уушгины өвчтэй хүнд өглөө орой бүр ухаа үнээний халуун саам нэг аяга уух, хүнхээл хэмээх сонгины төрлийн ногоог цөцгийтэй зуурч хуушуур хийж байнга идэхэд эдгэнэ.
Чихэр уушигны сүрьеэ өвчнийг хүндрүүлдэг
Мэнгэр өвчинд хөдөөний эрүүл газрын голио, царцаахайг идэх, шүүсийг нь уух, утах үнэрлэх сайн. Гүүний айраг, чацаргана уушгины өвчинд тустай боловч бөөрөнд халтай учир зохицуулан хэрэглэх хэрэгтэй. Уушиг хатингаршиж хабиргандаа наалддаг. Улмаар хавирга сүвэргээр хатгуулж, ханиахад амьсгал давчдан хэвтэхийг урьтал болгодог. Энэ өвчнийг засахдаа хонины шинэ гүзээг хийлж амсрыг нь боогоод өвчтэй газраа жигнэ. Энэ эмчилгээг өвчний байдалдаа нийцүүлэн хэдэн арав, хэдэн зуу үйлдэхэд өвчин намдана. Энэ үедээ шинэ сэргэг шимт тэжээл сайтай идээ ундаа идүүлж уулган буудайн архийг бага зэрэг эмийн журмаар хэрэглэж болно.
Мөгөөрсөн хоолойн багтраанд гандигар, таван салаа, гурван цэцэгт, нил өвсийг багагүй хэмжээгээр хэдэн минут буцалган хөргөөд өдөрт 3 удаа уу.
Шинэ цагаан тос нь уушигны архаг ба ханиалгахыг зогсооно. Шарилж хандалж ууваас хоолойн халуун, уушгины аливаа өвчинд тустай.
Хандгайн уушиг нь уушигны бээрийг арилгана. Уушиг устах болон уушгинд ус гүйх зэрэгт чонын мах чанаж идэх нь сайн.
Царцааны их биеийг хатаагаад буцалсан 100гр цэвэр усанд бүрэн уусгаад ууж хэрэглэвэл уушгины өвчин болон амьсгалын замын өвчнийг анагаана.
Чонын өөхийг ихээр хэрэглэвэл уушигны өвчин илааршина
Сүрьеэ эмчлэх олон арга байдаг. 1 лонх жимсний архинд зуун настыг 4 өдөр байлгана. Бэлэн болмогц нь өдөрт 1 жүнзийг уухад өвчин илааршина.
Булчирхай томрох, яваандаа уушигны булчирхайн сүрьеэ туссан хүнд хустай ойд элбэг байх алаг шаазгайн мах идэж, шөлийг ууваас сайн.
Сүрьеэ архаг мэнгэрийг эмнэх өөр нэг арга нь паалантай саванд гахайн өөх 100 гр, давсгүй цөцгийн тос 100 гр, зөгийн бал хийж хайлуул. (буцалгаж болохгүй) Хайлж дуусмагц дээр нь зуун настын шүүс 150 гр мөн какаогийн нунтаг нэмээд сайн холино. Ингээд шилэн хөргөгчинд хадгална. Үүнээсээ хоолны халбагаар нэгийг аяга халуун сүүнд уусгаж өдөрт 2 удаа ууна.
Мөн сүрье өвчин болон бусад уушигны өвчнийганагаахад чонын өөхийг шарлуулан хайлуулж тос болгон хоолны халбагаар өдөрт 2 удаа уудаг. Багтраа өвчинд вансэмбэрүү, моносны навч бүцалгаж, мөн зэрлэг цагаан төмсийг сүүнд буцалгаж, бас хусны шүүсийг дасгах бэхжүүлэх зэрэгт эмчилгээний журмаар хэрэглэх нь онцгой сайн. Амьсгаа давчдахад цагаан зандан, жуган, чихэр өвс зэргийг уудаг. Чихэр өвсийг 8 настай хүүхдэд даруулж өгвөл илүү сайн.
Эх сурвалж: tashuur.mn